DEPED, PINAG-AARALAN ANG MGA PATAKARAN SA PAGGAMIT NG AI SA PAARALAN

 

Pinag-aaralan na ng Department of Education ang posibilidad na gumawa ng pamantayan ng patakaran sa responsableng paggamit ng artificial intelligence (AI) sa mga paaralan.

Ayon kay Education Secretary Sonny Angara, kinikilala nito ang mga benepisyong naitutulong ng AI hindi lang sa mga estudyante kundi pati na sa mga guro lalo na sa mga research at mga paggawa ng lessons.

Mas napapabilis at napapagaan ng AI ang trabaho ng bawat guro sa pagtuturo sa kanilang mga estudyante.

Ngunit, kaakibat naman ng AI na maaari itong abusuhin tulad ng pangongopya sa mga exams o tests.

Kung kaya’t kinakailangan na mayroon aniyang paraan ang mga guro na matukoy kung ang kanilang estudyante ay gumagamit ng AI sa kanilang mga projects o assignments.