Pursigidong magsampa ng reklamo ang tatlong babae kontra
sa isang kompanya ng eroplano matapos silang pababain dahil sa suot nilang
damit.
Nagsimula ang insidente ng sumakay ng eroplano ang magkakaibigan
mula sa Los Angeles, California papunta sana sa New Orleans, Louisiana.
Habang papaakyat ang dalawang babae ay nakasuot pa ito ng
sweater hanggang sa napagdesisyunan nilang tanggalin ito dahil sa hindi pa
pinapaandar ang air conditioning system sa cabin na hindi maka-take off.
Ilang saglit pa ay bigla silang nilapitan ng isang
lalaking flight attendant at agresibo silang sinabihan na magsuot ng sweater.
Narinig naman ito ng isa pang babaeng pasahero at ipinagtanggol
ang dalawang babae sanhi ng mainit talaga ang panahon noong oras na iyon.
Gayundin, katulad nila ay nakasuot din ito ng crop top na
tinabunan ng sweater.
Dahil sa nangyaring komosyon ay tinanggal din nito ang
suot na sweater upang ipakita ang suporta sa dalawang magkaibigan kahit na
hindi niya kakilala.
Dito na sila pinababa ng eroplano at hindi binigyan ng
refund.
Nakiusap pa sina Tara Kehidi at Teresa Araujo na
kung pupwede pa nilang maisuot muli ang sweater ngunit hindi na sila pinayagan
pa.
Napag-alaman na gumastos ang magkaibigan ng 1,000 USD o
P57,000 para sa last-minute flight papuntang New Orleans upang ipagdiwang ang
kaarawan ni Tara.
Nakaramdam naman sila ng inis sa nangyari at pagtrato sa
kanila bilang mga kriminal dahil lang sa suot nilang crop top.
Batay sa Contract of Carriage ng airline company, maaari
nilang tanggihan ang customer o pasahero kapag wala silang suot na sapatos o
hindi angkop ang kanilang kasuotan.
Ngunit hindi naman nabanggit ang pagsuot ng crop top sa itinuturing
na “lewd, obscene, or offensive in nature.”
.png)
.png)
0 Comments