2,000-YEAR-OLD NA LIBINGAN, NAKITAAN NG 12 SKELETONS SA PETRA KUNG SAAN KINUNAN ANG 'INDIANA JONES AND THE LAST CRUSADE'

 

Nadiskubre ng mga archaeologists ang 2,000-year-old na libingan na mayroong kalansay ng 12 mga indibidwal sa Petra sa Jordan.

Natagpuan ang mga ito sa ilalim ng “Treasury” ng sinaunang syudad ng Petra sa Jordan.

Sa Arabic, ang Treasury ay kilala bilang “Al-Khazneh” na ang ibig sabihin ay “ang treasury of the pharaoh”.

Hindi naman malinaw ang saktong dahilan ng Treasury ngunit maaring ito’y isang mausoleum para sa Nabataean king na si Aretas IV Philopatris.

Kung matatandaan, may posibilidad na napansin ng ilang movie lovers ang naturang site ay kung saan naroroon ang “Holy Grail” – isang baso na sinasabing ginamit ni Hesus noong Huling Hapunan – na natagpuan sa pelikula noong 1989 na “Indiana Jones and the Last Crusade”.

Habang hinuhukay ng mga archaeologists ang nasabing libingan, natagpuan nila ang isang kalansay na may hawak na ceramic vessel na katulad ng isang chalice, ayon sa pahayag ng University of St Andrews sa Scotland.

Samantala, patuloy pang inaalam at pinag-aaralan ng mga archaeologists ang pagkakakilanlan ng 12 indibidwal na natagpuan sa nabanggit na libinga.