US, MGA BANSA SA ASIA-PACIFIC, NAGSAGAWA NG JOINT MARITIME EXERCISES SA SOUTH CHINA SEA

Nagsagawa ng joint maritime exercises ang armed forces ng limang bansa sa bahagi ng South China Sea nitong Sabado.

Ito’y matapos na magkaroon ng sariling military drills ang China sa pinagtatalunang karagatan.

Kabilang sa exercises ang Pilipinas, Estados Unidos, Australia, Japan, at sa kauna-unahang pagkakataon ay nakasama rito ang New Zealand.

Ayon sa armed forces ng Pilipinas, ginawa ang maritime exercises sa exclusive economic zone ng Manila at naglalayong i-improve ang interoperability ng mga militar.

Kaugnay nito, kasama sa naturang maritime exercises an warship ng Pilipinas, United States’ USS Howard, Japan’s JS Sazanami, at New Zealand’s HMNZS Aotearo.

Ang naturang aktibidad ay mula sa sunod-sunod na engkwentro sa himpapawid at karagatan sa pagitan ng Pilipinas at China na nagtatalo sa pinag-aagawang teritoryo sa South China Sea kabilang na ang Scarborough Shoal.

Napag-alaman na halos mahigit isang dekada nang inookupahan ng China Coast Guard ang Scarborough Shoal.