Napabilib ang mga netizens sa inilabas na trailer ng
kauna-unahang Pinoy zombie film na may pamagat na “Outside”.
Nakuha ng dalawang minutong trailer ang perpektong balanse
para sa mga pasilip na nakakatakot na eksena habang pinanatili ang kuryosidad
ng mga viewers sa kung anong dapat na abangan.
Humanga naman ang mga Pinoy sa cinematography at
soundtrack ng naturang pelikula na mailalarawan pang "Parang international
film. Amazing."
Umaasa ang mga netizens na hindi ito matutulad sa isang
tipikal na classic movie trap kung saan maganda lang ang pagkakagawa ng trailer
ngunit kabaliktaran sa kabuuang pelikula.
Ang “Outside” ay pinabibidahan nina Marco Masa, Aiden
Patdu, Sid Lucero, at Beauty Gonzalez sa direksyon ni Carlo Ledesma.
Umiikot ang kwento ng “Outside” sa isang pamilya na
pumunta sa isang isolated farmhouse upang makatakas sa zombie outbreak.
Samantala, nakatakda itong ipapalabas sa Netflix sa
Oktubre 17.
.png)
.png)
.png)
0 Comments