28 MOBILE CLINICS, IPINAMAHAGI SA MINDANAO

Pinangunahan ni Pangulong Ferdinand Marcos Jr. ang pamamahagi ng 28 mobile clinics sa rehiyon ng Mindanao ngayong araw ng Biyernes, Setyembre 20.

Nilalaman ng bawat clinic ang xray, ultrasound, at laboratory equipment na nakatakdang isakay sa barko upang maihatid sa Mindanao.

Nauna nang nakatanggap ng naturang mobile clinic ang rehiyon ng Luzon at Visayas.

Ayon kay Health Secretary Ted Herbosa, plano ng ahensya na magkaroon ng karagdagang 20 pang mobile clinics sa NCR habang nagsasanay na ang mga itatalagang health workers para mangasiwa ng mga ito.

Napag-alaman na mayroon nang kabuuang 82 mobile clinic ang naipamahagi sa buong bansa.