Ipinakilala ng Foreign Ministry ng Thailand ang kanilang
bagong Destination Thailand Visa (DTV) bilang paraan sa pag-attract ng mga
foreign nationals na magtrabaho ng malayuan habang bumabyahe sa ibang bansa.
Ayon kay Foreign Minister Maris Sangiampongsa, dinisenyo
ang DTV upang matugunan ang kagustuhan ng mga digital nomad na nagnanais
ma-extend ang kanilang pananatili sa Thailand.
Sa pamamagitan aniya nito, makakatulong ang mga ito sa
lokal na ekonomiya ng Thailand sa pamamagitan ng pagtangkilik sa mga negosyo ng
Thai, restaurants, hotels at tourist attractions.
Sinabi pa ni Sangiampongsa na sinumang mag-apply ng DTV
ay mai-enjoy ang hassle-free na experience na may mas pinasimpleng proseso sa visa
application at extended stay options.
Pinapayagan ang bawat indibidwal na mayrong DTV na
manatili hanggang 180 araw sa tuwing pagbisita nito at ang posibilidad ng
pagpapalawig pa ng panibagong 180 araw.
Samantala, layunin ng naturang inisyatibo na humikayat ng
marami pang turista na bumisita sa rehiyon at alinsunod na din sa “Six
Countries, One Destination” scheme ng gobyerno upang i-promote ang Thailand
bilang regional tourism hub.
.png)
.png)
0 Comments