DAGDAG-PRESYO SA SARDINAS AT TINAPAY, HILING NG MANUFACTURERS SA BANSA

 

Nananawagan ang food manufacturers at bakers sa Department of Trade and Industry ng taas-presyo sa mga de lata at tinapay dahil sa nagmamahalang presyo ng mga sangkap nito.

Sa ulat, nais isulong ng Sardines Association of the Philippines ang dagdag na P3 sa bawat lata ng sardinas.

Habang, hirit naman ng PhilBaking na magtaas ng P5 sa presyo ng Pinoy tasty bread at pandesal matapos ang mahigit isa’t kalahating taon na fixed prices sa gitna ng nararanasan umanong hirap ng bakers sa pag-subsidize sa presyo ng abot-kayang tinapay.

Inihayag naman ng Department of Trade and Industry na binubusisi nito ang posibilidad ng dagdag-presyo sa 60 iba’t ibang produkto.