SOUTH KOREA, NAGPASA NG PANUKALANG BATAS PARA SA MGA NANONOOD NG SEXUALLY EXPLICIT DEEPFAKES

Paparusahan na ang sinumang nanonood at mayroong sexually explicit deepfake na mga larawan at videos matapos na magpasa ng panukalang batas ang mga mambabatas ng South Korea nitong Setyembre 26.

Ito’y sa kabila ng insidente sa South Korea sa isang Telegram group chats kung saan naroroon ang mga sexually explicit at illegal deepfakes na ipinapakalat pa dahilan na agad itong tinugunan.

Kaugnay nito, kasalukuyang umiiral ang pagpaparusa ng hanggang limang taong pagkakakulong sa sinumang gumagawa ng sexually explicit deepfakes na may intensyong ipakalat ito. Gayundin, pagmumultahin din sila ng 50-milyon won sa ilalim ng Sexual Violence Prevention and Victims Protection Act.

Nakasaad pa sa panukalang batas na haharap ng hanggang tatlong taong pagkakakulong o pagmumultahin ng 30-milyon won ($22,600) ang sinumang mag-save at manonood ng naturang mga larawan at videos.

Kung sakali na ito ay maisabatas, ang maximum na parusa para sa nasabing krimen ay tataas pa ng hanggang pitong taong pagkakakulong anuman ang intensyon.

Sa ngayon ay hinihintay nalang ang pag-apruba ni Pangulong Yoon Suk Yeol upang ito’y maipatupad sa bansang South Korea.