30-ARAW, DAGDAG SA VACATION SERVICE CREDITS NG MGA GURO – DEPED

Dinagdagan ng gobyerno ang vacation service credits (VSCs) para sa mga guro mula sa dating 15 na araw ay magiging 30 araw na.

Ito ay upang maipaabot ang kanilang mga hiling at matiyak ang saktong bayad sa kanilang dagdag na trabaho.

Sa pahayag ng Department of Education (DepEd), ang binagong kautusan ay para sa mga incumbent teachers na may at least isang taong pagseserbisyo, gayundin sa mga bagong hire na mga guro na itinalaga sa loob ng apat na buwan pagkatapos ng pagsisimula ng mga klase.

Dagdag pa rito, makakatanggap naman ng 45-araw na VSCs kada taon ang mga bagong tanggap na guro kung saan ang kanilang appointment ay inisyu apat na buwan pagkatapos ng pagsisimula ng klase.

Ayon pa sa ahensya, ang VSCs ang kanilang nakikitang solusyon at tulong para sa mga guro na nagtuturo sa pampublikong paaralan na nagseserbisyo pa rin sa panahon ng summer o long vacation, Christmas vacation, weekends, at holidays, at para sa mga teaching overload.