Naispatan sa labas ng isang cottage sa isang remote village sa Iceland ang walang-buhay na pambihirang polar bear matapos itong mabaril ng isang pulis dahil sa umano’y pagiging banta nito sa mga residente.
Sa ulat, pinatay ang polar bear nitong Huwebes ng hapon
sa northwest ng Iceland matapos na konsultahin ng pulisya ang ahensya ng Environment
na tumangging ilipat ang naturang hayop.
Sinabi ni Westfjords Police Chief Helgi Jensson na hindi
nila ginusto ang nangyari at isang uri lamang ng defense ang kanilang ginawa
dahil sa ito’y malapit sa summer house kung saan naroroon ang isang matandang
babae.
Dagdag pa nito na nag-iisa ang may-ari ng summer house,
kung kaya’t nang makita nito ang isang polar bear na naghahalungkat sa kaniyang
basurahan ay nakaramdam ito ng takot dahilan na agad nitong ikinulong ang
sarili sa ikalawang palapag ng kaniyang bahay.
Pagkatapos ay mabilis niyang tinawagan ang kaniyang anak
sa pamamagitan ng satellite link at humingi ng tulong.
Ang mga polar bear ay hindi taga-Iceland ngunit paminsan-minsan
ay dumarating sila sa pampang matapos ang kanilang pagbyahe sa isang ice floes
mula sa Greenland.
.png)
.png)
0 Comments