NANAY NG ISANG EMPLEYADONG NAMATAY DAHIL SA ‘OVERWORK’, PINAGALITAN ANG KUMPANYA NANG HINDI DUMALO SA LIBING NITO

 

Ibinahagi ng ina ng isang 26-anyos na empleyado na naiulat na namatay dahil sa “excessive workload” ang isang heartbreaking na sulat para sa kumpanya kung saan ipinahayag nito ang sobrang pagkadismaya sa napaka-‘hustle culture’ at hindi pagdalo sa libing ng kaniyang anak.

Sa kumakalat na sulat online, sobrang nagdadalamhati ang inang si Anita Augustine sa pagpanaw ng kaniyang anak na si Anna Sebastian Perayil na nagtatrabaho bilang chartered accountant sa isang accounting firm sa Ernst & Young (EY) sa Pune, India.

"My heart is heavy, and my soul is shattered as I pen these words, but I believe it is necessary to share our story in the hope that no other family will have to endure the pain we are going through," panimula ng ina.

Ayon pa sa kaniya, nagsimula si Anna sa naturang kumpanya noong Marso 19 ngayong taon bilang isang executive na puno ng buhay, mga pangarap at pagkagalak para sa kinabukasan.

Sinasabing, ito aniya ang unang trabaho ni Anna at nakita nito ang matinding tuwa sa mukha ng anak nang maging parte ng isang prestihiyosong kumpanya.

Ngunit, makalipas ang apat na buwan, nitong Hulyo 20, 2024 ay ikinagulat ng ina ang biglang pagkawala ng anak sa edad na 26.

"She worked tirelessly at EY, giving her all to meet the demands placed on her. However, the workload, new environment, and long hours took a toll on her physically, emotionally, and mentally," ani nito.

Dagdag pa ng ina na nakakaramdam na ng anxiety, kawalan ng tulog, at stress matapos ang ilang araw ng itong matanggap sa trabaho, pero sa kabila nito ay naniniwala pa rin aniya ang anak nito na "hard work and perseverance were the keys to success."

Sa kabila ng nararamdamang chest constriction at pag-abiso ng kaniyang cardiologist na late na itong kumakain at hindi nakakatulog ng maayos, tinuloy pa rin ni Anna ang pumasok ng trabaho dahil sa "there was a lot of work to be done and she wouldn't get leave."

Samantala, naglabas naman ng pahayag ang nasabing kumpanya sa isyu kung saan ikinalulungkot nila ang sandaling pagpanaw ni Anna.

Binigyang-diin pa ng kumpanya na pahahalagahan nila ang well-being ng kanilang mga empleyado at patuloy na sosolusyunan na maisaayos at mabigyan ng healthy workplace ang kanilang 100,000 na empleyado sa buong EY member firms sa India.