AHTISA MANALO AS ‘DYESEBEL’
Binigyang-buhay ng Filipina beauty queen na si Ahtisa
Manalo ang isa sa mga Pinoy karakter na ‘Dyesebel’ sa kaniyang national costume
para sa Miss Cosmo 2024.
Suot ni Manalo ang may katingkaran na kulay kahel at
mayroong ala-sirena na silhouette na gown na ginawa ni Ehran Montoya. Nilagyan
din ito ng mga dekorasyon na kahalintulad ng isang kaliskis at ang buntot ng
isang sirena na ginawang headdress at nilagay sa kaniyang mga braso at kamay na
siyang kumumpleto sa kabuuang disenyo ng damit.
Very demure at very graceful namang inirampa ni Manalo
ang runway na may mga galaw na katulad ng lumalangoy sa dagat.
Ayon sa beauty queen, ang naturang costume ay bilang
pagbibiga-pugay sa mga alamat ng Pilipino at ang contemporary pop culture.
Dagdag pa ni Manalo na hindi lang ito simbolo ng myth at
ganda kundi nagrerepresenta din ang Dyesebel ng isang kapangyarihan ng
pagkukwento sa paghubog ng pagkakakilanlan ng Pilipino at ng konektadong
henerasyon.
Samantala, lumipad patungong Vietnam si Manalo upang i-represent
ang Pilipinas sa international na entablado.
.png)
.png)
0 Comments