MGA EMPLEYADO NG PCSO, KARAMIHAN AY PAMILYA NI DATING PCSO GENERAL GARMA

Nabulgar sa ikapitong pagdinig ng House Quad Committee na halos mga kamag-anak ni dating Retired Police Colonel Royina Garma ang hinire bilang empleyado ng Philippine Charity Sweepstakes Office (PCSO) sa panahon ng kaniyang panunungkulan sa ahensya noong 2019.

Kabilang dito ang kanyang mga pinsan, bayaw at hipag ni Garma na inilagay niya sa PSCO bilang nurse, admin officer, IT consultant, private secretary, researcher at security detail.

Kinuha din ni Garma bilang confidential agent ng PCSO ang anak na babae na may special needs at walang taglay na kwalipikasyon para sa naturang posisyon.

Isiniwalat din sa nasabing pagdinig na ginamit umano ni Garma ang 2-milyong piso mula sa PCSO para pondohan ang partylist at foundation na STL o Samahan ng Totoong Larong may Puso.

Samantala, patuloy naman ang pagbusisi ng quad committee ukol sa pinanggalingan ng pondong ginamit sa ipinamimigay na bahay ng 1st nominee ng STL Partylist na si Maria Yvonee Cania-Barandong.