Isang karangalan hindi lang sa pamilya ni Maria Maxene
Marcos Gerella kundi pati na sa buong Pilipinas ang nakamit nitong tagumpay at
pagkilala sa ibang bansa lalo na sa academe.
Ipinagmamalaking ibinahagi ng kaniyang ina na si Seraphim
Gerella ang ipinakitang husay ng kaniyang anak sa United Kingdom na nag-aral ng
Bachelor of Laws.
Sa ulat, hindi lang napagtagumpayan ni Maria Maxine ang
kaniyang pag-aaral sa abogasya kundi nagtapos din ito na Honours - Class II
Division I o Magna Cum Laude sa University of Leeds sa UK.
Bago ito, nauna nang nakakuha ng Principal Award o
Valedictorian si Maria Maxine sa Doha British School sa Qatar. Naging taop 1%
din ito sa International General Certificate of Secondary Education (IGCSE) sa
buong mundo.
Sa ngayon ay nagtatrabaho na bilang Paralegal si Maria
Maxene sa National Health System (NHS) sa Leeds City, UK.
.png)
.png)
0 Comments