BRIDE, SINOLO ANG P2.6M WEDDING CELEBRATION MATAPOS MAGLOKO ANG KANIYANG GROOM

 

Ka-K5, ano ang gagawin mo kapag nadiskubre mong nagloloko pala ang mapapangasawa mo, ilang araw bago ang inyong kasal?

 

Itutuloy ba o cancel na lang?

 

Sa England, sa halip na ikansela ang kaniyang wedding celebration ay itinuloy pa rin ni Lindsay Slater ang kaniyang kasal kahit na walang groom.

 

Nagmistulang “celebration of freedom” para sa bride ang nangyari kung saan nagdiwang ito kasama ang mga kaibigan at pamilya.

 

Si Lindsay ay isang solicitor sa Mansfield, Nottingham sa England.

 

Ipinost pa ng kaibigan ni Lindsay ang highlights ng selebrasyon.

 

“You find out your fiancé is cheating 6 days before the wedding so you do it without him,” caption ni Beth sa TikTok video.

 

Ayon sa ulat, nahuling may kinakasamang ibang babae ang fiancé ni Lindsay. Nang kumprontahin ay agad na nag-alsa balutan ang lalaki at lumayas sa kanilang tahanan.

 

Noong una ay kinansela ni Lindsay ang kasal ngunit nagdesisyon itong ituloy na lang para sa ipagdiwang ang kaniyang kalayaan.

 

Kaugnay nito, aabot naman sa halos P2.6-milyon ang nagastos sa kanilang wedding celebration na tinatayang 60-70 katao ang dumalo sa reception.

 

Napag-alamang 12-taon nang nagsasama sina Lindsay at ang dating fiancé nito bago mangyari ang panloloko.