72 PDL’S NG MANILA CITY JAIL, BINIGYAN NG OPORTUNIDAD NA IPAGPATULOY ANG KOLEHIYO

 

Naka-enroll na sa Polytechnic University of the Philippines (PUP) ang 72 persons deprived of liberty (PDLs) ng Manila City Jail para ipagpatuloy ang kanilang kolehiyo at magkaroon ng degree.

Ayon sa PUP-OUS, kursong Bachelor of Science in Business Administration major in Marketing Management program ang ini-enroll ng naturang PDLs kung saan nagsimula na ang kanilang klase nitong Miyerkules, Setyembre 18.

Anila, maituturing itong makasaysayan dahil sa unang pagkakataon ay binuksan ang synchronous session sa loob ng Manila City Jail – Male Dormitory sa nabanggit na araw.

Dahil dito, ipagpapatuloy ng nasabing unibersidad ang planong magsagawa ng synchronous sessions para sa mga estudyanteng PDL upang matiyak na makatanggap sila ng kaparehong academic support at maipagpatuloy ang kanilang pangarap sa araw ng kanilang paglaya.