TONE-TONELADANG SCALLOPS, MATATAGPUAN SA ISANG ISLA SA ILOILO

 

Mapapa-sana all ka na lang ka-K5 kung paborito mo ang mga pagkaing seafood lalo na ang shellfish dahil sa halagang P1-P2 ay makakabili ka na ng scallops.

Sa isang isla na tinawag na Scallops Island sa Barangay Gabi sa Isla Gigantes sa Carles, Iloilo ay halos hindi na nawawalan ng scallops na naging pangkabuhayan na ng mga residente doon.

Ayon sa ulat, sinabi ng punong barangay na mahigit tatlong dekada nang naging pangkabuhayan ng mga taga roon ang paninisid ng scallops kaya halos napuno na ng mga kabibe ang kanilang dalampasigan.

Kayang-kaya din nilang punuin ang bag na sisidlan ng makukuhang scallops sa bawat oras na ginugugol sa paninisid sa ilalim ng dagat.

Samantala, aabot naman sa P1,300 hanggang P1,500 ang halaga ng bawat bag ng scallops na kanilang ibinebenta.