SOUTH KOREA AT US, SINIMULAN ANG TAUNANG DRILL BILANG PAGHAHANDA SA CYBER THREAT

Nagsimula na nitong Lunes ang taunang summertime military exercises ng South Korea at Estados Unidos upang mas pang palakasin ang kahandaan ng naturang mga bansa mula sa cyber threats at mga armas ng North Korea.

Nakatakda namang magtatapos ang naturang aktibidad sa Agosto 29 lalo na’t nasa advance stage na ang nuclear at missile programmes ng North Korea. Gayundin, sinusubok na nilang mailunsad ang reconnaissance satellites.

Ayon sa ulat, magkahiwalay namang gagawin ng South Korea ang sabay-sabay na civil defense drills ng Ulchi Freedom Shield na may senaryong nuclear attack ng North Korea.

Samantala, hinikayat naman ni South Korean President Yoon Suk Yeol ang puspusang paghahanda laban sa North Korea.