SEARCH AND RESCUE OPERATION, ITINIGIL MUNA MATAPOS BUMAGSAK ANG ICE CAVE SA ICELAND; 2 NAWAWALA, 1 PATAY

 

Itinigil muna ng mga awtoridad ang kanilang search and rescue operation sa dalawang tao na pinaniniwalaang nawawala matapos ang pagguho ng ice cave sa Iceland nitong linggo.

Ayon sa pulisya, isang tour group na may 25 na miyembro ang inorganisa nitong Linggo upang bumisita sa Breidamerkurjokull glacier, sa southeast Iceland ngunit nitong Lunes, tanging 23 nalang na indibidwal ang nakabalik.

Dagdag pa dito, nagkaroon anila ng conflict sa impormasyon ukol sa bilang ng tao na kasama sa trip kung kaya’t itinuloy ang operasyon ng paghahanap bilang isang pag-iingat upang matiyak na walang sinuman ang na-trapped.

Kaugnay nito, mula sa nangyaring insidente ng pagguho ng ice cave, isang lalaking Amerikano ang idineklarang patay habang ang asawa nito’y sugatan at nasa maayos nang kalagayan.

Mahigit 200 katao naman ang nag-volunteer sa paghahanap sa dalawang katao na pinaniniwalaang nawawala.

Samantala, nangyari ang nasabing insidente malapit sa Jokulsarlon glacial lagoon, isa sa pinakasikat na tourist destination sa Iceland.