PRIBADONG POOL SA RIZAL, NI-REFILL NG ISANG FIRETRUCK

Usap-usapan ngayon ang nag-viral na post sa social media kung saan ginamit umanong pang-refill ng swimming pool ang isang truck ng bumbero.

Sa mga naka-post na larawan, makikita ang isang pulang trak ng bumbero na nakatigil sa labas ng isang bahay. Ang hose na sinasabing nakakonekta sa trak, papunta umano sa swimming pool.

Agad ding naglabas ng memorandum ang DILG Secretary na si Benhur Abalos Jr. na kung saan inatasan nito ang BFP chief Fire Director Louie Puracan ng suriin at agad imbestigahan ang naturang insidente.

“[I]f warranted, they should be relieved from their post pending the result of a formal investigation,” nakasaad sa sulat.

Samantala, batay sa post ng “Taytay Updates” na nangyari umano ito sa Maharlika Village.