PINAKAMATAPANG NA BEER, PINANINIWALAANG HINDI KAKAYANIN KAHIT NA NG MGA MANGINGINOM

 

Ka-k5, kakasa ka ba sa pag-inom ng “world strongest beer”?

Isang alak na beer ang binansagang “world’s strongest beer” na kung saan kung iyong matitikman ay paniguradong pipilipit ang iyong mukha at dila sa taglay nitong tapang.

Ang naturang beer ay ang Beithir Fire na may dala nang warning label upang balaan ang mga consumer na iwasan ang pag-inom ng higit sa 35ml ng isang bagsakan dahil sa sobrang taas ng alcohol nito.

Mayroon kasing 75% na ABV (Alcohol By Volume) content ang nasabing beer dahil ito ay na-brew sa loob ng dalawang buwan bago sumailalim sa fermentation at triple filtration.

Inilunsad ang Beither Beer noong 2021 sa Scotland’s 88Brewery.

Samantala, maliban sa pagiging “world’s strongest beer”, isa rin ito sa may pinakamahal na presyo na aabot $58 o P3,300 ang bawat bote.