FLYING TAXI, SISIMULAN NA SA CALIFORNIA

 

Bagama’t inaasahan na ito mula sa unti-unting pag-unlad ng teknolohiya, maraming netizens ang hindi pa rin makapaniwala.

Ilang kompanya kasi sa ibang bansa ang patuloy na nagde-develop ng electric vertical takeoff at landing aircraft (eVTOL) aircraft na kung saan ito’y kapareho ng helicopters sa pag-take off at land ngunit lilipad na katulad ng isang eroplano – may kahalintulad sa ilang modernong drones maliban sa ito’y may kakayahan na magsakay ng mga pasahero.

Layunin ng naturang teknolohiya na mag-aalok sa hinaharap ng pag-commute sa ere para sa mas mabilis, tahimik at mas mahusay na alternatibo sa transportasyon sa lupa.

Sa ulat, opisyal na pumirma ng isang kasunduan ang San Jose company Archer Aviation—a leading manufacturer of eVTOL aircraft, sa Southwest Airlines upang mag-decelop ng plano para sa air-taxi service sa mga paliparan ng California.

Planong gumamit ng kumpanya ng Archer Midnight, isang pang-apatang pampasaherong electric aircraft, na isang mabisang solusyon sa trapik at mas mabilis na transportasyon.

"With Archer's Midnight aircraft, passengers will be able to fly above traffic to get to the airport faster," anito.