LALAKI, ARESTADO SA PAGPAPAKALAT NG CHILD PORN SA MANILA – DOJ

Himas-rehas ang lalaking 54-anyos matapos na mahuling nagpo-produce at nagbebenta ng mga videos ng mga batang inaabuso.

Ayon sa Philippine National Police-Anti-Cybercrime Group (PNP-ACG), nagpatupad na ang kanilang ahensya ng search warrant sa suspek upang siyasatin ang mga naipong datus nito na naglalaman ng mga video ng batang inaabuso.

Ang operasyon ay ikinasa kasunod ng isang natanggap na report mula sa National Center for Missing and Exploited Children (NCMEC) na base sa mga imahe na kumalat sa social media platforms.

Samantala, naglunsad naman ang PNP-ACG’s Women and Children Cybercrime Protection Unit (WCCPU) ng isang online probe at cyberpatrol upang matukoy ang online accounts ng suspek kung saan nito ibinebenta ang mga video ng mga biktimang inabuso.