ALICE GUO, NASA INDONESIA NA – BI

Kinumpirma ng Bureau of Immigration na kasalukuyang nasa Indonesia ang na-dismissed na Bamban, Tarlac Mayor na si Alice Guo.

Ayon kay BI spokesperson Dana Sandoval, lumipad patungong Malaysia si Guo mula sa Pilipinas noong Hulyo 16 at dumating ito sa Indonesia mula sa Singapore nitong Agosto 18.

Kaugnay nito, patuloy ang isinasagawang pag-backtrack ng immigration sa dinaanan ni Guo upang matukoy kung sino ang mga taong nasa likod ng kaniyang pagbyahe. Hindi rin ipinagsawalang-bahala ni Sandoval ang posibilidad na sangkot rito ang ilang mga tauhan ng kanilang ahensya.

Matatandaan na nitong Lunes, ibinunyag ni Senador Risa Hontiveros na si Alice Guo o Guo Hua Ping ay umalis ng bansa noong Hulyo 18 patungong Kuala Lumpur, Malaysia.