COP, 6 IBA PA SUGATAN SA PAGSABOG SA PNP STATION

 

Sugatan sa iba’t ibang bahagi ng katawan ang nasa anim na miyembro ng kapulisan nang maganap ang pagsabog sa loob mismo ng PNP station ng San Simon Pampanga.

 

Sa ulat, nangyari ang insidente nang magkaroon ng pagsalo-salo at samgyupsal sa loob ng tanggapan bilang selebrasyon sa wedding anniversary ng hepe at asawa nito.

 

Sa hindi inaasahang pangyayari ay bigla nalang sumabog ang butane na isang substandard na siyang ginamit sa pagluluto para sa samgyupsal.

 

Nagtamo naman ng first at second degree burn sa mukha at katawan ang mga biktima kabilang na ang asawa, ilang kaanak at dalawang non-uniformed personnel.

 

Sa ngayon ay patuloy pa ang isinasagawang imbestigasyon kaugnay ng insidente.