2 PINAY NA NAGSILBI SA US ARMY, PATAY SA AKSIDENTE

 

Patay ang dalawang Pinay sa isang banggaan ng kotse sa Devil’s Slide sa kahabaan ng Highway 1 sa California.

Kinilala ang mga biktima na sina Brylyn Aroma, 36-anyos ng Fort Riley, Kansas; Angelica Gacho, 28-anyos at Mohammad Noory, 29-anyos na parehong taga-California.

Sa ulat, binawian ng buhay ang tatlo nang mahulog sa bangin malapit sa Devil’s Slide, isang lugar ng matatarik na talampas sa tabing-dagat mga 15 milya sa timog ng San Francisco.

Nananatili namang nasa ilalim ng imbestigasyon ang pagbagsak at patuloy pang inaalam ng mga awtoridad ang dahilan ng pagkahulog ng naturang sasakyan sa bangin bago ito tuluyang bumagsak sa dagat.

Napag-alaman na ang mga biktima ay nagsilbi sa US Army kung saan si Aroma ay isang 68W combat medic medalist habang si Gacho ay communications specialist at 92W water treatment specialist, at si Mohammad Noory ay nagtatrabaho nilang US military interpreter sa Afghanistan.