Ka-K5 tatanggapin mo ba ang alok na P1.8-milyon sa kondisyong
maninirahan ng permanente sa Tuscany,
Italy?
Naglunsad ng programa ang bansang Italy upang makapanghikayat
ng mga turista na permanenteng manirahan sa rehiyon ng Tuscany.
Tinawag itong “Residenzialita in Montagna 2024” program
na ang ibig sabihin ay Residency in the Mountains 2024.
Naitampok sa mga kilalang pelikula ang lugar ng Tuscany,
isang rehiyon sa central Italy, gaya ng Life Is Beautiful (1997), Gladiator
(2000), Under The Tuscan Sun (2003), The Twilight Saga: New Moon (2010).
Ito rin ang lugar ng kapanganakan at kinalakihan ng mga
kilalang Italian figures ng Renaissance period tulad ng artist and architect na
si Michelangelo, painter na si Sandro Botticelli, at architect na si Filippo
Brunelleschi.
Bukod sa paninirahan ng permanente sa Tuscany ay
babayaran pa ng Italian government ang sinumang interesado ng financial
incentive na 10,000 euros -30,000 euros o $10,720-$32,161(PHP628,000-PHP1.8
million) para ma-cover ang at least 50 percent na gastusin para sa pagbili at
pagpapa-renovate ng bahay.
Sa mga gustong manirahan ay maaari silang mamili mula sa
76 na mga bayan ng Tuscany region.
Magtatagal naman ang application hanggang Hulyo 27, 2024
at nagsimula nitong Hunyo 2024.
Sa ulat, sa sinuman ang bibili ng property sa Tuscany ay
dapat maging permanent resident ng lugar. At kapag nagpa-register ka bilang
residente ng Italian town, hindi ka puwedeng maging residente ng iba pang
bayan.
Ang naturang programa ay bukas para sa mga Italian
citizens, European Union (EU) citizens, at non-EU citizens na may long-term
residency na hindi bababa sa sampung taon.
Kailangan ding may financial stability kahit papaano.
Layunin ng programa na mahikayat ang muling pagdagdag sa
populasyon ng lugar at ang socio-economic revitalization ng mga lugar sa
kabundukan.
Malaki kasi ang pagbaba sa bilang ng populasyon sa lugar
nitong mga nakalipas na taon at inaasahang hindi na magus-survive matapos ang
25 taon.
.png)
.png)
.png)
0 Comments