P270-BILYON HALAGA NG HEA, IPAPAMAHAGI NA

 

Nakatakdang ipapamahagi na sa Biyernes, Hulyo 5 ang natitirang Health Emergency Allowance (HEA) ng mga healthcare workers sa buong bansa.

Ayon sa Department of Budget and Management (DBM) Sec. Amenah Pangandaman, aabot pa sa P270-bilyon ang natitirang HEA.

Sinabi pa ni Pangandaman na ito ang pangakong kanilang binitawan na kahit sa 2025 pa ito hinihiling ng DOH ay agad nilang ibibigay ito sa mga healthcare workers na naging frontliners noong kasagsagan ng pandemia.

Nauna nang ibinigay ng DBM ang nasa P91.2-bilyon sa DOH para sa Public Health Emergency Benefits and Allowances (PHEBA) na sumasaklawa rito ang lahat ng benepisyo ng mga healthcare workers mula 2021 hanggang 2023.

Mula sa naturang halaga, P73.2-bilyon ang naging alokasyon para sa HEA.

Samantala, kabila sa PHEBA ang Special Risk Allowance (SRA), compensation para sa COVID-19 sickness and death, at ang karagdagang benefits tulad ng meals, accommodation, at transportation allowances para sa mga healthcare workers.