Naaresto na ng pulisya ang lalaking nagtangkang nakawin ang
cellphone ng isang mallgoer sa Cebu City.
Sa ulat, inamin ng suspek na si Jeffrey Cabreros ang ginawang
pagnanakaw sa isang mall na nakunan pa ng video upang may ipambili umano ng
school supplies ng mga anak.
Namataan ng mga pulis si Cabreros na pagala-gala sa Sitio
Mayahay sa Brgy. Carreta.
Mabilis din itong nakilala nang mamukhaan sa isang viral
video.
Matatandaang ibinahagi ng isang biktima ang video ng
pasimpleng pagtangay ng suspek sa cellphone na nakalagay sa loob ng bag habang
sila’y nag-eenjoy ng kasama sa isang mall sa Cebu City.
Ngunit, mabilis itong napansin ng biktima at agad na
inagaw sa suspek ang natangay nitong cellphone.
Maririnig din sa video ang paghingi ng paumanhin ng
suspek.
Samantala, napag-alamang hindi ito ang unang beses na
ginawa ng suspek sa halip ay nakulong na din ito sa kaparehong kaso ng
pagnanakaw.
.png)
.png)
0 Comments