ISA PANG FUEL TANKER, LUMUBOG SA MANILA BAY

Pinangangambahan sa ngayon ang panibagong oil leak matapos na isa pang fuel tanker ang lumubog sa Mariveles, Bataan nitong Sabado ng hapon.

Ayon sa Philippine Coast Guard (PCG), tatlong 44-meter Coast Guard vessels ang rumesponde sa lugar at dito nakumpirma ang presensya ng paglubog ng MTKR JASON BRADLEY.

Sa isinagawang diving operations ng PCG, napag-alaman na walang karga ang naturang barko ngunit may nakitang mga fuel leaks mula dito.

Agad naman itong tinapalan ng PCG.

Sa ngayon ay naghahanda na ang isang shipping company na isagawa ang salvage operations upang maalis sa dagat ang nasabing lumubog na barko.

Matatandaan, isang fuel tanker ang nauna nang lumubog sa Bataan sa kasagsagan ng bagyong Carina at habagat.