AFP, SINISINGIL NG P60-MILYON ANG CHINA SA INIWANG PINSALA NANG MANGYARI ANG KOMPRONTASYON SA AYUNGIN SHOAL

Panawagan ng Armed Forces of the Philippines sa China na ibalik na ang kanilang mga armas na kinuha ng mga miyembro ng China Coast Guard mula sa Philippine Navy Filipino navy personnel noong mangyari ang marahas na pagharang at paggamit ng physical force sa mga Pinoy sa Ayungin Shoal noong Hunyo 17.

Gayundin, sinisingil din ng AFP ang China ng P60-milyon bilang kabayaran sa pagkasira ng mga gamit nang atakehin nila ang bangka ng Pinoy.

Isinama na din sa naturang halaga ang medical expenses ng isang Pinoy na nasugatan at naputulan ng hinlalaki sa kasagsagan ng marahas na pag-atake ng China.

Matatandaan na nagsasagawa ng resupply mission ang AFP sa BRP Sierra Madre nang harangin sila ng CCG tsaka binantaan at pinagduduro pa ng kanilang mga hawak na bladed weapons.

Binutasan pa ng mga Chinese ang rigid-hulled inflatable boat (RHIB) ng AFP at ilegal na tinangay.