ZACCHARIE RISACHER, NO.1 OVERALL PICK SA NBA DRAFT; PINILI NG ATLANTA HAWKS

 

Napili ng Atlanta Hawks ang French basketball player na si Zaccharie Risacher matapos itong maging No. 1 overall pick sa opening round ng NBA Draft.

Ang 19-anyos na si Risacher na nasa forward position ay may taas na 6’9 at ikalawang Frenchman na napiling maging No. 1 sa NBA Draft.

Kung matatandaan, nakuha ni Victor Wembanyama, isang French professional basketball player, ang No.1 NBA Draft noong nakaraang taon.

Si Risacher ang ikalawang pinakabatang basketball player na pinangalanang EuroCup Rising Star at naging Best young Player sa French leagues 2023-2024.

Samantala, isa pang Frenchman ang napili bilang pangalawa sa overall ng Washington Wizards na kinilala kay Alexandre Sarr, 19-anyos, may taas na 7 foot at ang posisyon ay center.

Ito na ang ikatlong beses sa kasaysayan ng NBA na pawang mga French ang Napili sa drafts na walang US college na karanasan.