88-ANYOS NA LOLA SA CEBU, BUWIS-BUHAY NA INAAKYAT ANG BUNDOK PARA SA PAGHAHANAP-BUHAY

 

via Krissa Albarado

“Ginagawa ko ito kasi mas mabuti na may sarili kaming pambili.”

Ito ang naging pahayag ng 88-anyos na Lola mula sa Argao, Cebu na kinilala kay “Owa Minay”.

Sa edad kasi na 88-anyos ay walang alinlangan at buwis-buhay pa rin nitong inaakyat ang bundok upang makakuha ng mga materyales na kaniyang gagamitin sa ibinebentang basket.

Mula sa nagagawang mga basket, dito na kinukuha ni Lola Minay ang kanilang pambili sa pang-araw-araw na gastusin lalo na’t lumaki silang hirap sa buhay.

Sa isang ulat, ikwinento ni Lola Minay na palagi nitong ipinagdarasal na maging malakas at maging malinaw ang paningin lalo na’t aminado itong tumatanda na siya dahilan na marami na siyang nararamdaman na sakit sa katawan.

Bagama’t nakakaramdam na ito ng pagsakit sa kaniyang bewang at mga tuhod, tuloy pa rin niyang ginagawa ang mga nakagawian kahit na ito’y delikado.

Tatlong beses sa isang linggo, umaakyat ng bundok si Lola Minay para manguha ng nito kung saan ito ang pangunahing materyales sa paggawa ng kaniyang basket tsaka ito binebenta.

Hindi alintana ng 88-anyos na Lola na lakarin ang bundok ng nakayapak pati ang hirap sa paglalakad lalo na’t ito’y kuba na at madali pang hingalin.

Ngunit, dahil sa hirap ng buhay ay kailangan niyang kumayod.

“Ginagawa ko ito kasi mas mabuti na may sarili kaming pambili.

Hindi ‘yung nakadepende kami ng mga nakababata kong kapatid sa iba.

Tuwing umaga, bago ako umalis, nagdadasal na lang ako sa Diyos.

‘Pagalawin Mo ako. ‘Yung mata ko, bigyan Mo sana ng konting ilaw.’

Matanda na kasi ako.

Hindi na ako nakakatayo masyado.

‘Yung bewang at tuhod ko, nananakit na.

Pero kailangan kasi naming mabuhay.

Kaya patuloy ko ‘tong gagawin hangga’t nakakagalaw ako.

Ito kasi ang ipinambuhay ng mga magulang namin sa amin.” Owa Minay, 88-anyos.