UKRAINE, NAKATAKDANG MAGBUBUKAS NG EMBAHADA SA PILIPINAS NGAYONG TAON

 

Inaasahan ang posibleng pagbubukas ng embahada ng Ukraine sa Pilipinas ngayong taon.

Ito ang sinabi ni Ukrainian President Volodymyr Zelenskiy sa ginanap na bilateral meeting kasama ang Pangulong Ferdinand “Bongbong” Marcos, Jr. sa Malacañang.

Masayang ipinahayag ni Zelenskiy kay Marcos sa kanilang opisyal na paghaharap ang pagbubukas ng Ukraine embassy sa Manila.

Nagpasalamat din si Zelenskiy kay Marcos sa suportang ibinigay nito sa Ukraine sa kabila ng nagpapatuloy na gyera kontra Russia.

Samantala, dumating kaninang umaga si Zelenskiy para sa opisyal na pagkikita at pagdalo sa bilateral meeting nila ni Pangulong Marcos, Jr.