RATED X SA X

Pormal nang papayagan ang pag-post ng mga adult at graphic content sa platform na “X” (dating Twitter).

Ito’y matapos ianunsyo ni Elon Musk, CEO ng Tesla Motors ang ilang pagbabago sa rules ng X kung saan ang "sexual expression, visual or written, can be a legitimate form of artistic expression”.

Sa katunayan, matagal nang napapansin sa Twitter ang mga post ng adult content – hindi katulad ng Facebook o Instagram – ay hindi ito kailanman pinagbawalan bago pa ito pamunuan ni Musk noong 2022.

Sa ilalim ng bagong patakaran, ang pag-post ng mga adult content ay pormal na nasa loob ng mga panuntunan hangga't ito ay may label at hindi masyadong ipinapakita, tulad ng mga larawan sa profile o mga banner ng account.

Awtomatiko namang mamarkahan bilang “sensitive content” ang mga accounts na regular sa pag-post ng adult content.

Samantala, layunin ni Musk na mas palawakin pa ang kita ng X at mai-transform ito sa pagiging “super app” kahalintulad sa WeChat ng China na mayroong messaging, voice at video calling, social media, mobile payments at online booking services.