PINAPLANONG CLOUD SEEDING SA BUONG WESTERN VISAYAS, TULOY PA RIN SA KABILA NG PAGDEDEKLA NG PAG-ASA NA OPISYAL NG NAGSIMULA ANG TAG-ULAN

Kinumpirma ni Iloilo Provincial Agriculture Office head Ildefonso Toledo na kasalukuyang nasa Silay City, Negros Occidental ang Bureau of Soils and Water Management.

Aniya, inoobserbahan pa ng Bureau of Soils and Water Management ang kondisyon ng panahon lalo na’t nangyari ang pagputok ng Mt. Kanlaon nitong Lunes.

Dagdag pa nito, inaasahan sa susunod na linggo na masisimulan na nila ang cloud seeding.

Ang operasyon ng cloud seeding ay nakabase sa Bacolod City kung saan magsisilbing operation center ang Bacolod-Silay International Airport.

Binigyang-diin pa ni Toledo na hindi pa huli ngayong buwan ang cloud seeding dahil sa hindi pa sapat ang tubig-ulan para mapunan ang kinakailangan sa irigasyon lalo na’t nag-uumpisa nang magtanim ang mga magsasaka.