MGA KABATAANG GUMAGAMIT NG VAPE SA KALIBO DUMARAMI; PLANONG PAG-REGULATE PINAG-AARALAN

 

 

Plano ngayon ng Sangguniang Bayan ng Kalibo na magpatawag ng committee meeting upang talakayin ang ilang puna at obserbasyon patungkol sa paggamit ng vape partikular na sa mga kabataan.

 

Sa naging session napag-usapan ang ilang obserbasyon na tila dumarami ang gumagamit ng naturang produkto at kadalasan pa sa mga ito ay menor de edad.

 

Maliban pa dito, napapansin din anila ng mga ito na kahit sa loob ng mga establisyimento ay pinapayagan ang paggamit ng e-cigarette na kung maikukumpara sa tobacco ay hindi nagtatagal ang amoy lalo pa at may mga flavor ito.

 

Dahil dito, nais din ng konseho na ipatawag ang mga bar and resto owners upang maging parte na maregulate ang paggamit ng vape sa loob ng kanilang mga establishments gayundin sa mga pampublikong lugar. |TERESA IGUID