Parehong pinaghahanap ang
magkasintahang Mutya ng Pilipinas Pampanga 2023 candidate Geneva Lopez at
Israeli boyfriend na si Yitshak Cohen matapos maiulat na nawawala nitong Hunyo
21.
Sa isang ulat, nagpaalam umano ang
magkasintahan sa kanilang mga kaanak na pupunta sa Capas, Tarlac upang kitain
ang naka-transaksyon ukol sa isang property.
Magmula nang umalis ang dalawa ay hindi
na ito makontak ng mga kaanak kung kaya’t labis-labis ang kanilang pag-aalala.
Kamakailan, isang sunog na sasakyan ang
natagpuan ng isa sa mga kaanak ni Lopez kung saan hinihinalang ito ang sinakyan
ng dalawa patungong Capas.
Natagpuan naman sa loob ng naturang
nasunog na sasakyan ang ilang mga dokumentong nakapangalan kay Lopez.
Kaya naman, pinag-aaralan na ng pulisya
ang lahat ng CCTV footage upang matukoy kung sino ang sumunog ng natagpuang
sasakyan.
Magugunita noong 2023, isang beauty
queen din ang nawawala at patuloy pa ding hinahanap hanggang ngayon.
.png)
.png)
0 Comments