FIRST LADY LIZA MARCOS, UMINOM SA WINE GLASS NI SEN. ESCUDERO SA VIN D’HONNEUR

 

Viral sa social media ang video kung saan makitang kinuha ni First Lady Liza Araneta-Marcos ang wine glass ni Senate President Francis “Chiz” Escudero habang nasa Vin d’Honneur o ‘wine of honour’ para sa Independence Day sa Malacañang kahapon, Hunyo 12.

Nangyari ito matapos ang traditional toast kung saan nakihalubilo si President Ferdinand Marcos Jr. at ang first lady sa mga bisita.

Pagkatapos itong ininuman ng first lady ay may pag-iingat nitong ibinalik ang wine glass kay Escudero.

Makikita pang tumawa na lamang ang Senate President sa insidente at may lumapit namang waiter tsaka binigyan ang first lady ng wine glass.

Ang naturang event ay ginanap sa Palasyo para sa mga foreign dignitaries at national leaders, kasama ang Senate President at si House Speaker Martin Romualdez.