CHINA, FRANCE, NAGLUNSAD NG SATELLITE PARA MAS MAIGING MAINTINDIHAN ANG MUNDO

Inilunsad nitong Sabado ang isang satellite ng China at France upang magsaliksik sa pinakamalakas na pagsabog sa daigdig.

Tinawag itong Space Variable Objects Monitor (SVOM) na dinivelop ng mga engineers sa parehong bansa upang tuklasin ang gamma-ray burst, isang liwanag na naglakbay ng ilang bilyong light years upang maabot ang planetang Earth.

Lumarga ang 930-kilogram satellite karga ang apat na mga instrumento – 2 French, 2 Chinese – bandang alas-3:00 ng hapon sakay ng Chinese Long March 2-C rocket mula sa isang space base sa Xichang, sa timog-kanlurang lalawigan ng Sichuan.

Ang gamma ray bursts ay karaniwang nangyayari matapos ang pagsabog ng mga malalaking bituin - yaong higit sa 20 beses na mas malaki kaysa sa araw - o ang pagsasanib ng mga compact na bituin.