ROBOT VERSION NA K9 NG CHINA, PWEDE NANG ISABAK SA OPERASYON?

 

Ibinida ng China ang kanilang machine gun-equipped robot battle “dogs” sa ginanap na kauna-unahang drills kasama ang pwersa ng Cambodia.

Mahigit 2,000 na mga military troops kasama na ang 760 Chinese military personnel ang lumahok sa naturang drills sa isang remote training center sa central Kampong Chhnang province at sa dagat sa labas ng Preah Sihanouk province.

Isinabak ang naturang robot dog na kung tawagin ay “robodogs” – isang remote-controlled four-legged robot na may automatic rifles na nakadikit sa likod nito, sa “Golden Dragon” 15-day exercise kasama ang 14 warships kung saan tatlo rito ay mula sa China, dalawang helicopters, at 69 armored vehicles at mga tangke. Gayundin, kasama rin ang live-fire, anti-terrorism, at humanitarian rescue drills.

Ayon kay Cambodian armed forces commander-in-chief Vong Pisen, nais nilang ma-“enhance the capabilities” ng dalawang grupo ng mga sundalo para sa laban kontra terorismo.

Samantala, batay naman sa mga eksperto, nagkakaroon ng tapatan ang mga bansa ng China at Amerika sa robotics pagdating sa pagpapalakas ng kani-kanilang military forces.