PINAY NA GURO, WAGI SA ISANG PRESTIHIYOSONG PARANGAL PARA SA MGA GURO

 

Nakatanggap ng parangal ang isang Pinay na guro mula sa prestihiyosong New York City Department of Education Big Apple Award para sa academic year 2024-2025.

Ilan lang si Dr. Catalina Suerte ng 50 mga guro ang kinilala sa buong New York City para sa kanilang ipinakitang natatanging commitment sa pagtututo.

Personal na ipinaalam ng mga opisyal mula sa New York City Department of Education si Suerte para sa award nito.

Sa isang ulat, ipinahayag ni Suerte na hindi nito inaasahan ang pagkakatanggap ng naturang parangal kung kaya’t labis ang pasasalamat nito.

Mula sa mahigit 200,000 na mga guro sa buong New York City, tanging si Suerte lamang mula sa P.S. 274 ang nakatanggap ng nasabing award.

Nagsimula ang journey sa edukasyon ni Suerte sa Cebu Normal University kung saan nagtapos ito ng Doctor of Philosophy in Development Administration, majoring in Education Governance.

Bago pa man mag-migrate sa Estados Unidos, ginugol mun anito ang 24 na taong pagtuturo sa De La Salle John Bosco College sa Bislig at Ateneo de Cagayan.

Sa ngayon, nagsisilbi bilang pangulo ng Unified New Jersey Chapter si Suerte kung saan ang naturang organisasyon ay para sa mga Pilipino at Filipino-American educators sa US.