FIL-AM MISS HAWAII 2023, KINORONAHAN BILANG MISS USA 2023

Kinoronahan bilang Miss USA 2023 ang Filipino American Miss Hawaii 2023 na si Savannah Gankiewicz kasunod ng pag-resign ni Noelia Voigt ng Utah sa pagiging Miss USA 2023.

Pinangunahan ni Hawaii Governor Josh Green ang pagkorona kay Gankiewicz sa Honolulu.

Kung matatandaan, bumaba sa kaniyang titulo si Voigt dahil sa kaniyang mental health issues.

Dagdag pa rito, isa rin sa ma dahilan ng resignation ni Voigt ang hindi pagtugon ng Miss USA organization sa inirereklamo nitong toxic work environment at insidente ng sexual harassment.

Sa kabila nito, naniniwala naman si Gankiewicz sa organisasyon ng Miss USA dala ang intensyong gawing positibo ang mga pagbabago at buuing muli ang legacy nito.

Si Gankiewicz ay anak ng isang Filipina na dating kinoronahan na Mrs. Maui at nagsilbing director ng Miss Maui Filipina pageant. Habang ang ama nito’y isang Polish at Vietnamese American.

Naging isa din sa mga finalists si Gankiewicz ng Mutya ng Pilipinas 2017 at nagtrabaho bilang modelo sa Pilipinas.

Nabatid na ang naturang beauty queen ay kinoronahan bilang 1^st runner-up ng Miss USA sa Las Vegas, Nevada at nanalo din ng Best State Costume award.