DATING SENADOR ANTONIO TRILLANES IV, SINAMPAHAN NG KASO ANG MGA PRO-DUTERTE

Nagsampa ng kasong libel at cyber libel ang dating senador na si Antonio Trillanes IV laban kina Harry Roque, SMNI, vlogger Banat By, at iba pang pro-Duterte trolls.

Ayon kay Trillanes IV, sinabi nitong ang mga pro-Duterte personalities ay patuloy na ginagatungan ang mga fake news upang iwaksi ang sisi sa administrasyong Duterte.

Ito’y sa kabila ng kaniyang paulit-ulit na paliwanag kaugnay sa nangyaring backchannel talks kabilang na ang opisyal na pahayag mula sa nanunungkulan na mga opisyal ng gobyerno sa ginanap na pagdinig sa senado na hindi umano nila isinuko ang Scarborough.

Binanggit din ni Trillanes IV sa post nito ang mga troll accounts na kaniyang sinampahan ng kaso.

“The filing of cases today is a push back against the culture of disinformation which propagated and was encouraged during the Duterte administration,” ani Trillanes IV.

Inihain ng dating senador ang pagsampa ng kaso sa Quezon City Prosecutors Office.