Tuloy na tuloy pa rin ang pagsasagawa ng civilian mission sa West Philippine Sea sa kabila ng banta ng dumaraming bilang ng mga barko ng China na patungo sa Scarborough Shoal.
Sa isang pahayag, nanindigan si Rafaela David, co-convenor
ng Atin Ito coalition na susulong pa rin ang kanilang grupo at hindi magpapatibag
sa pananakot ng China.
"We will sail with determination, not provocation,
to civilianize the region and safeguard our territorial integrity," ani
David.
Nagsimula na ngayong araw ang paglalayag ng “civilian
mission” at magtatagal hanggang Mayo 17 dala ang hangaring protektahan ang
pagmamay-ari ng Pilipinas.
Kaugnay nito, sa post ni Ray Powell sa X (dating Twitter),
sinabi nitong ito ang “largest blockade” sa Scarborough Shoal kung saan humigit-kumulang
4 coast guard at 26 large maritime militia ships ang haharang (hindi kasama ang
‘dark vessels’).
Samantala, tiniyak naman ni Philippine Coast Guard (PCG)
spokesperson para sa West Philippine Sea na si Commodore Jay Tarriela ang
kaligtasan ng mga sasama sa civilian mission na ang hangad ay
magkaloob ng tulong sa mga mangingisdang Pinoy sa lugar.
.png)
.png)
0 Comments