SAM CATANTAN, PASOK SA PARIS OLYMPICS

 

Susulong na sa 2024 Paris Olympics ang Filipina fencer na si Sam Catantan matapos pangunahan ang women’s foil event ng Asia and Oceania Zonal Olympic Qualifier nitong Sabado sa United Arab Emirates.

Napatumba ni Catantan ang pambato ng Kazakhstan na si Sofiya Aktayeva sa score na 15-14 sa kabila ng dinaramdam na cramps.

Taong 2023, lumaban si Catantan sa US NCAA at nakuha nito ang silver medal sa 32^nd Southeast Asian Games sa Cambodia matapos magkaroon ng injury.

Samantala, makakasamang ibabandera ng Filipina fencer ang watawat ng Pilipinas sa paparating 2024 Paris Olympics sina EJ Obiena, gymnasts Carlos Yulo, Aleah Finnegan, at Levi Ruivivar, boxers Eumir Marcial, Nesthy Petecio, at Aira Villegas, rower Joanie Delgaco, at weightlifters Elreen Ando, John Ceniza, at Vanessa Sarno.