Nakatakdang ibabandera ng grupo ng mga
student-researchers mula Angeles City Science High School ang Pilipinas sa
prestihiyosong Regeneron International Science and Engineering Fair 2024 (ISEF)
sa Los Angeles, California sa darating na Mayo 11-17.
Ito’y matapos binigyang-pagkilala ang kanilang proyekto na
"In Vitro Study of Bioceramics from Bamboo Leaf Ash and Green Mussel
Shells with Silver (Ag) Coating and 3D-Printing Applications for Bone
Regeneration".
Ayon sa Department of Science and Technology (DOST),
kinahangaan ang naturang proyekto nang madiskubre ang posibleng epekto nito sa
bone regeneration.
Kaugnay nito, naging malaking tulong din ang ibinigay na
suporta ng DOST Central Luzon Grants-In-Aid sa proyekto ng mga estudyante para
maging kwalipikado sa ISEF 2024.
Samantala, hinikayat naman ng DOST ang mga estudyante at
mga educators na i-explore ang mga oportunidad na inaalok ng DOST kabilang na
ang pagbibigay ng scholarships at specialized training.
.png)
.png)
0 Comments