Patay ang sampung crew members na sakay ng dalawang helicopter
matapos itong magbanggaan sa kasagsagan ng rehearsal para sa military parade.
Kinumpirma ito ng Royal Malaysian Navy (RMN) kung saan nangyari
ang insidente sa Lumut naval base sa Perak state, Western Malaysia.
Ayon kay Malaysian Defense Minister Mohamed Khaled, ang
mga sangkot na helicopter ay ang maritime operations helicopter at ang Fennec
military chopper na naghahanda para sa isasagawang parade para sa 90th
anniversary ng Royal Malaysian Navy.
Dagdag pa dito, ang maritime operations helicopter ay may
sakay na pitong indibidwal na bumagsak sa kalapit na running track. Habang, ang
Fennec military chopper na may sakay na tatlong crew members ay bumagsak sa
swimming pool.
Samantala, nagpaabot naman ng pakikiramay si Malaysian
Prime Minister Anwar Ibrahim sa mga naiwang pamilya ng namatay.
.png)
.png)
0 Comments