COMEBACK SA RELASYON NINA BEA AT DOMINIC, POSIBLE PA?

 

Usap – usapan ngayon ang umano’y pagkakabalikan o pagkakaayos nina Bea Alonzo at Dominic Roque ng kanilang relasyon mataposng hiwalayan.

Sa isang ulat, naging topiko ng isang Filipino comedian at actor na si Ogie Diaz sa kaniyang vlog na nagkabalikan na sina Dom at Bea.

Ngunit, wala pa itong kumpirmasyon mula sa dalawa.

Kaugnay nito, sinasabing bago pa pumunta ng Singapore si Bea kasama ang pamilya ay sa bahay nito natulog si Dominic.

Hanggang sa pagbalik ng aktres sa Pilipinas mula sa Singapore ay muli na naman umanong nakitulog si Dom sa bahay ng aktres.

Kahit ang mga kapitbahay ng aktres ay nagpapatunay na nadoon sa bahay ng aktres ang ex-fiancé nitong si Dominic.

Naispatan din daw ng kapitbahay na nakaparada sa harap ng bahay nina Bea ang kotse ng dating karelasyon.

Nabatid na isinapubliko ng dalawa ang kanilang hiwalayan matapos na ma-engage noong July 18, 2023.